Անգլիական ֆուտբոլի լեգենդ, ամերիկյան «Ինտեր Մայամի» ֆուտբոլային ակումբի սեփականատեր Դևիդ Բեքհեմը հայտարարել է, որ մտադիր է համաձայնության գալ կատալոնական «Բարսելոնայի» ու Արգենտինայի ազգային հավաքականի առաջատար Լիոնել Մեսիի և Թուրինի «Յուվենտուսի» ու Պորտուգալիայի ազգային հավաքականի առաջատար Կրիշտիանու Ռոնալդուի հետ «Ինտեր Մայամի» տեղափոխության հարցում:
«Եթե մենք հնարավորություն ունենանք, ապա անպայման ֆուտբոլիստներ կհրավիրենք Եվրոպայից: «Ինտեր Մայամին» կապի մեջ է Լիոնել Մեսիի և Կրիշտիանու Ռոնալդուի ներկայացուցիչների հետ:
Հուսով եմ, որ մեզ կհաջողվի այնպես անել, որ Մեսին ու Ռոնալդուն միասին հանդես գան նույն թիմում»,- Բեքհեմի խոսքը փոխանցում է Mundo Deportivo-ն:
Հիշեցնենք, որ «Ինտեր Մայամին» ՄԼՍ-ի կանոնավոր առաջնությունում մրցելույթները սկսել է 2020 թվականի հունվարից:
Հետևեք NEWS.am SPORT-ին Facebook-ում, Twitter և Telegram-ում