Չեմպիոնների լիգայի 1/8 եզրափակիչում Մադրիդի «Ռեալը» տանը մրցեց Անգլիայի չեմպիոն «Մանչեսթեր Սիթիի» հետ: Հանդիպումն ավարտվեց անգլիական թիմի հաղթանակով՝ 2:1 հաշվով:
60-րդ րոպեին «Մանչեսթեր Սիթիի» ֆուտբոլիստների սխալից հետո Վինիսիուս Ժունիորի փոխանցումից հետո խաղի հաշիվը բացեց «Ռեալի» իսպանացի կիսապաշտպան Իսկոն: 78-րդ րոպեին Կևին դե Բրույնեի փոխանցումից հետո «Ռեալի» բրազիլացի հարձակվող Գաբրիել Ժեզուսն օդային պայքարում ուժեղ գտնվեց Սերխիո Ռամոսից և հավասարեցրեց հաշիվը: 81-րդ րոպեին «Ռեալի» տուգանային հրապարակում փոխարինման դուրս եկած Ռահիմ Ստերլինգի նկատմամբ կանոնները խախտեց Դանիել Կարվախալը: 11 մետրանոց հարվածն անվրեպ իրացրեց բելգիացի կիսապաշտպան Կևին դե Բրույնեն:
86-րդ րոպեին Գաբրիել Ժեզուսի հետ պայքարում վերջին հույսի խախտում կատարելու համար կարմիր քարտ ստացավ Արքայական ակումբի ավագ Սերխիո Ռամոսը:
Միաժամանակ ընթացող խաղում Իտալիայի չեմպիոն «Յուվենտուսն» արտագնա խաղում նվազագույն հաշվով պարտվեց «Լիոնին»:
31-րդ րոպեին ֆրանսիական ակումբի հաղթական գոլը խփեց ֆրանսիացի կիսապաշտպան Լուկա Տուսարը:
Թիմերի պատասխան հանդիպումները տեղի կունենան մարտի 17-ին:
Չեմպիոնների լիգա, 1/8 եզրափակիչ, առաջին հանդիպում
«Ռեալ Մադրիդ» - «Մանչեսթեր Սիթի»՝ 1:2 (տեսանյութ)
Իսկո, 60 - Գաբրիել Ժեզուս, 78, Կևին դե Բրույնե, 82 (11մ)
«Լիոն» - «Յուվենտուս»՝ 1:0 (տեսանյութ)
Լուկա Տուսար, 31
Lyon lead! Tousart taps hosts ahead from Aouar cross #UCL pic.twitter.com/aldKh9BsH3
— UEFA Champions League (@ChampionsLeague) February 26, 2020
Two great #UCL midfielders meet again in Spain pic.twitter.com/etS4Tq9PY4
— UEFA Champions League (@ChampionsLeague) February 26, 2020
Հետևեք NEWS.am SPORT-ին Facebook-ում, Twitter և Telegram-ում