Մադրիդի «Ռեալի» բրազիլացի հարձակվող Ռոդրիգոն բաց կթողնի Լա Լիգայի 26-րդ տուրի «Բարսելոնայի» դեմ հանդիպումը, տեղեկացնում է Marca-ն:
Ռոդրիգոն «Ռեալի» երկրորդ թիմի՝ «Կաստիլյայի» կազմում մասնակցել էր Սեգունդա Բ-ի հերթական տուրի հանդիպմանը և, երկրորդ դեղին քարտը ստանալով, հեռացվել էր խաղադաշտից:
«Ռեալը» բողոքարկել էր Ռոդրիգոյի հեռացումը, սակայն Լա Լիգայի կարգապահական հանձնաժողովը մերժել է բողոքարկումը:
Հիշեցնենք, որ «Ռեալ Մադրիդ» - «Բարսելոնա» հանդիպումը տեղի կունենա մարտի 1-ին:
Հետևեք NEWS.am SPORT-ին Facebook-ում, Twitter և Telegram-ում