Իտալական «Ռոման» Եվրոպայի լիգայի 1/16 եզրափակիչի պատասխան խաղում կմրցի բելգիական «Գենտի» հետ:
Մայրաքաղաքային թիմի գլխավոր մարզիչ Պաուլու Ֆոնսեկան հրապարակել է «Ռոմայի» հայտացուցակը, որում ընդգրկված է նաև Հայաստանի ազգային հավաքականի կիսապաշտպան Հենրիխ Մխիթարյանը:
Հիշեցնենք, որ Հռոմում տեղի ունեցած խաղում «Ռոման» նվազագույն՝ 1:0 հաշվով հաղթանակ էր տարել «Գենտի» նկատմամբ: Հայաստանի ազգային հավաքականի կիսապաշտպան Հենրիխ Մխիթարյանը խաղադաշտ էր դուրս եկել հանդիպման 79-րդ րոպեին:
«Գենտ» - «Ռոմա» հանդիպումը տեղի կունենա փետրվարի 27-ին՝ Երևանի ժամանակով 21:55-ին:
Հետևեք NEWS.am SPORT-ին Facebook-ում, Twitter և Telegram-ում