«Մեծ սաղավարտի» մրցաշարերի 20-ակի չեմպիոն, շվեյցարացի թենիսիստ Ռոջեր Ֆեդերերը խոսել է իր գլխավոր մրցակիցներից մեկի՝ իսպանացի Ռաֆայել Նադալի մասին:
«Մարդիկ ասում էին, որ Նադալը լուրջ վնասվածք ունի և նա այլևս չի կարող բարձր մակարդակի թենիս խաղալ: Այնուամենայնիվ, նա կարողացավ հրաշալի տարի անցկացնել և 2 անգամ դառնալ «Մեծ սաղավարտի» մրցաշարերի չեմպիոն:
Նադալը բավականին լավն է, որպեսզի ապագայում համարվի պատմության լավագույն թենիսիստը»,- Ֆեդերերի խոսքը փոխանցում է Tennis World USA-ը:
Հիշեցնենք, որ Ռաֆայել Նադալն իր կարիերայի ընթացքում 19 անգամ է դարձել «Մեծ սաղավարտի» մրցաշարերի չեմպիոն:
Հետևեք NEWS.am SPORT-ին Facebook-ում, Twitter և Telegram-ում