Իտալիայի չեմպիոն Թուրինի «Յուվենտուսի» իտալացի գլխավոր մարզիչ Մաուրիցիո Սարին պատմել է, թե ինչ է ակնկալում ֆրանսիական «Լիոնի» դեմ առաջին հանդիպումից Չեմպիոնների լիգայի 1/8 եզրափակիչում։
«Մրցակիցը տեխնիկապես բարձր մակարդակի, ֆիզիկապես լավ պատրաստված թիմ է, որը կարողանում է ակնթարթորեն արագացնել խաղը։ «Լիոնը» վտանգավոր մրցակից է, որի դեմ պետք է ցուցադրել շատ լավ ֆուտբոլ։
Կրիշտիանու Ռոնալդուն գերազանց վիճակում է՝ ֆիզիկապես եւ հոգեբանորեն։ Նա անհավանական խաղացող է, որին ցանկանում են տեսնել ամեն տեղ»,- Սարիի խոսքը մեջբերում է ՈւԵՖԱ-ի կայքը։
«Լիոն» - «Յուվենտուս» հանդիպումը տեղի կունենա փետրվարի 26-ին Ֆրանսիայում եւ կմեկնարկի Երեւանի ժամանակով կեսգիշերին։
Հետևեք NEWS.am SPORT-ին Facebook-ում, Twitter և Telegram-ում