Արգենտինական «Խիմնասիայի» գլխավոր մարզիչ, արգենտինական ֆուտբոլի լեգենդ Դիեգո Մարադոնան Չեմպիոնների լիգայի 1/8 եզրափակիչի «Նապոլի» - «Բարսելոնա» խաղում կերկրպագի իտալական թիմին:
«Անկասկած, ես երկրպագելու եմ «Նապոլիին»: Իմ սիրտն այդ թիմին է պատկանում»,- Մարադոնայի խոսքը փոխանցում է Football Italia-ն:
Հիշեցնենք, որ Դիեգո Մարադոնան «Նապոլիում» հանդես է եկել 1984-1991 թվականներին, իսկ «Բարսելոնայում»՝ 1982-1984 թվականներին:
«Նապոլի» - «Բարսելոնա» հանդիպումը տեղի կունենա փետրվարի 25-ին՝ Երևանի ժամանակով ուղիղ կեսգիշերին:
Հետևեք NEWS.am SPORT-ին Facebook-ում, Twitter և Telegram-ում