Միլանի «Ինտերն» ու Լոնդոնի «Արսենալը» հետաքրքրված են «Ռոմայի» 23-ամյա իտալացի կիսապաշտպան Լորենցո Պելեգրինիի ծառայություններով, հաղորդում է Goal.com-ը։
Հռոմեական ակումբը դեմ չի լինի տրանսֆերին, որպեսզի չխախտի ֆինանսական «արդար խաղի» կանոնները։
Պելեգրինիի պայմանագրով նրա տրանսֆերային գինը սահմանված է 30 միլիոն եվրո։ Վճարումը հնարավոր է կատարել երկու մասով։
Իտալիայի ընթացիկ առաջնությունում Պելեգրինին մասնակցել է 18 հանդիպման, խփել 1 գոլ, կատարել 9 գոլային փոխանցում։
Հետևեք NEWS.am SPORT-ին Facebook-ում, Twitter և Telegram-ում