«Լիվերպուլի» գերմանացի գլխավոր մարզիչ Յուրգեն Կլոպը պատմել է, թե ինչու է որոշել զբաղեցնել անգլիական ակումբի գլխավոր մարզիչի պաշտոնը։
«Շատ ակումբներ էին ցուցաբերում հետաքրքրություն, բայց ես պետք է սկզբում արձակուրդ կազմակերպեի ինձ համար։ Գործակալիցս իմացա, որ իմ ծառայություններով հետաքրքրվում է «Լիվերպուլը» եւ անմիջապես զգացի նույնը, ինչ զգացի, երբ հանդիպեցի առաջին կնոջս։ Տեսա նրան եւ մտածեցի․ «Լավ, ես կամուսնանամ նրա հետ»։ Նույնը եղավ ակումբի հետ։ Ես զգացի, որ դա ճիշտ է հենց առաջին րոպեից»,- Կլոպի խոսքը մեջբերում է Sky Sports-ը։
52-ամյա մասնագետը «Լիվերպուլը» գլխավորում է 2015 թվականից։ 2001-2008-ին Կլոպը գլխավորել է «Մայնցը», 2008-2015-ին՝ Դորտմունդի «Բորուսիան»։ Անցած մրցաշրջանում «Լիվերպուլը» նվաճեց Չեմպիոնների լիգայի գավաթը։
Հետևեք NEWS.am SPORT-ին Facebook-ում, Twitter և Telegram-ում