Կառլես Պերես. Պատահական մի օր ինձ ասացին, որ ես պետք է հեռանամ «Բարսելոնայից»

Իտալական «Ռոմա» տեղափոխված երիտասարդ հարձակվող Կառլես Պերեսը պատմել է՝ ինչպես է որոշում ընդունել հեռանալ «Բարսելոնայից»:

««Բարսելոնայի» նորանշանակ գլխավոր մարզիչ Կիկե Սետիենը մարզումներից մեկի ընթացքում ինձ ասաց, որ ես այլևս խաղաժամանակ չեմ ստանալու թիմում և պետք է հեռանամ:

Տրանսֆերային պատուհանի փակվելուն 10 օր էր մնացել, և ամեն ինչ շատ արագ տեղի ունեցավ: Երբ առաջարկ ստացա «Ռոմայից», անմիջապես տվեցի համաձայնությունս»,- Պերեսի խոսքը փոխանցում է Football Italia-ն:

Նշենք, որ 22-ամյա Կառլես Պերեսը «Ռոմայի» կազմում մասնակցել է 4 հանդիպման՝ դառնալով 1 գոլի հեղինակ:

Հետևեք NEWS.am SPORT-ին Facebook-ում, Twitter և Telegram-ում