Կատալոնական «Բարսելոնայի» նախագահ Խոսեպ Մարիա Բարտոմեուն փետրվարի 19-ին ակումբի ղեկավարության արտահերթ ժողով է հրավիրել, տեղեկացնում է Sport.es-ը:
Ժողովի ընթացքում «Բարսելոնայի» ղեկավարությունը կքննարկի սոցիալական ցանցերում ակումբի գործունեությամբ զբաղվող I3 Ventures ընկերության հետ համագործակցության հարցը:
I3 Ventures ընկերության աշխատակիցներն օրեր առաջ տեղեկատվական գրոհ էին ձեռնարկել «Բարսելոնայի» առաջատար Մեսիի, նրա կնոջ, Ժերար Պիկեի, թիմի նախկին ֆուտբոլիստներ Չավիի և Պույոլի դեմ:
Դեպքից հետո «Բարսելոնայի» նախագահ Խոսեպ Մարիա Բարտոմեուն հերքեց, որ տեղեկատվական գրոհի նախաձեռնողը եղել է ակումբի ղեկավարությունը:
Հետևեք NEWS.am SPORT-ին Facebook-ում, Twitter և Telegram-ում