00:16  +04,  18 փետրվարի, 2020

«Բարսելոնան» մտադիր է ձեռք բերել «Լեգանեսի» հարձակվողին

Կատալոնական «Բարսելոնայի» ղեկավարությունը շարունակում է փոխարինող փնտրել թիմի վնասվածքներ ունեցող հարձակվողներ Լուիս Սուարեսին և Ուսման Դեմբելեին:

Mundodeportivo-ի հաղորդմամբ՝ «Բարսելոնան» առաջիկա օրերի ընթացքում բանակցություններ կսկսի «Լեգանեսի» դանիացի հարձակվող Մարտին Բրեյթուայթի տեղափոխության վերաբերյալ:

Իսպանիայի ընթացիկ առաջնությունում Բրեյթուայթը մասնակցել է 24 հանդիպման՝ դառնալով 6 գոլի ու 2 գոլային փոխանցման հեղինակ:

Ավելի վաղ հայտնի էր դարձել, որ Լա Լիգան Ուսման Դեմբելեի ստացած վնասվածքի պատճառով թույլ է տվել կատալոնական ակումբին 2 շաբաթվա ընթացքում նոր հարձակվող ձեռք բերել:

«Բարսելոնան» 15 օր ունի Լա Լիգայի ակումբներից խաղացողի գնելու կամ ազատ գործակալի կարգավիճակ ունեցող ֆուտբոլիստի հետ պայմանագիր կնքելու համար։

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

  • Լրահոս
  • Հարցում
Քվեարկել են (12)
  • Ֆեյսբուք
  • NEWS.am Sport Exclusive
  • Արխիվ