13:51  ,  17 փետրվարի, 2020

Կաֆու․ Նեյմարը պետք է փոխի վերաբերմունքը ֆուտբոլի նկատմամբ

Բրազիլիայի հավաքականի նախկին առաջատարներից Կաֆուն ֆրանսիական ՊՍԺ-ի եւ Բրազիլիայի հավաքականի հարձակվող Նեյմարին հորդորել է փոխել վերաբերմունքն իր գործի նկատմամբ։

«Նեյմարը պետք է փոխի վերաբերմունքը ֆուտբոլի նկատմամբ։ Միայն դրանից հետո նա կարող է հասնել Լիոնել Մեսիի եւ Կրիշտիանու Ռոնալդուի մակարդակին՝ խաղալով ՊՍԺ-ում։ Եթե նա վերցնի թիմի առաջատարի պատասխանատվությունը՝ ամեն ինչի կհասնի։

Նեյմարն ունի աշխարհի լավագույն ֆուտբոլիստ դառնալու ներուժ։ Բոլորս ակնկալում էինք, որ նա կդառնա ավելի հասուն։ Տարիների հետ այդ հասունությունը թույլ կտա նրան լինել լավագույնը»,- Կաֆուի խոսքը մեջբերում է Goal.com-ը։

49-ամյա Կաֆուն Բրազիլիայի հավաքականի հետ դարձել է 1994թ․ եւ 2002թ․ աշխարհի չեմպիոն, 1998թ․ աշխարհի փոխչեմպիոն։

Հետևեք NEWS.am SPORT-ին Facebook-ում, Twitter և Telegram-ում