Անգլիայի առաջնության առաջատար «Լիվերպուլի» գերմանացի գլխավոր մարզիչ Յուրգեն Կլոպը կանխատեսել է, որ Իտալիայի առաջնության չեմպիոնական մրցավազքն այս մրցաշրջանում կավարտվի Հռոմի «Լացիոյի» հաղթանակով։
«Կհաղթի «Լացիոն»։ Նրանց կազմում է Լուկաս Լեյվան, որը խաղացել է «Լիվերպուլում»։ Այնտեղ է նաեւ Չիրո Իմոբիլեն, որն իմ ղեկավարությամբ աշխատել է «Բորուսիայում»։ Ես նրանց աջակցում եմ։ Ափսոսում եմ Սարիի համար, բայց «Լացիոն» անցկացնում է գերազանց մրցաշրջան, եւ դա անակնկալ է»,- Յուրգեն Կլոպի խոսքը մեջբերում է corrieredellosport.it-ը։
Իտալիայի առաջնության 24-րդ տուրում «Լացիոն» 2։1 հաշվով հաղթեց «Ինտերին» եւ 56 միավորով երրորդ տեղում է։ «Ինտերը» 54 միավորով երկրորդն է, առաջատար «Յուվենտուսն» ունի 57 միավոր։
Հետևեք NEWS.am SPORT-ին Facebook-ում, Twitter և Telegram-ում