ԵԱ․ Լեւան Բերիանիձեն չնվաճեց բրոնզե մեդալ

Իտալիայի մայրաքաղաք Հռոմում անցկացված ազատ ոճի ըմբշամարտի Եվրոպայի առաջնությունում Հայաստանի ներկայացուցիչներից վերջինը գոտեմարտեց Լեւան Բերիանիձեն։

125 կգ քաշային կարգի բրոնզե մեդալի համար գոտեմարտում նա մրցեց ադրբեջանցի Ջամալադին Մագոմեդովի հետ եւ պարտություն կրեց։ Գրանցվեց 2։2 հաշիվ։ Վերջին արդյունավետ հնարքի շնորհիվ հաղթանակ տարավ Մագոմեդովը։

Հիշեցնենք, որ 92 կգ քաշային Մարզպետ Գալստյանը փետրվարի 16-ին բրոնզե մեդալի համար գոտեմարտել էր Բելառուսի ներկայացուցիչ Ամարհաջի Մահամեդաուի հետ։ Հայաստանի հավաքականի ըմբիշը պարտվել էր 1։7 հաշվով։

Ազատ ոճի ըմբշամարտի Հայաստանի հավաքականից միակ մեդալը նվաճեց 61 կգ քաշային կարգում անցած տարվա Եվրոպայի չեմպիոն Արսեն Հարությունյանը, որը բրոնզե մեդալի համար գոտեմարտում 10։0 հաշվով հաղթել էր հույն Գեորգիոս Պիլիդիսին։

Հետևեք NEWS.am SPORT-ին Facebook-ում, Twitter և Telegram-ում