Անգլիական «Լիվերպուլի» հարձակվող Սադիո Մանեն և կիսապաշտպան Ջեյմս Միլներն ապաքինվել են վնասվածքից ու կարող են մասնակցել անգլիական թիմի առաջիկա հանդիպմանը, հայտարարել է «Լիվերպուլի» գլխավոր մարզիչ Յուրգեն Կլոպը:
«Մանեն ու Միլներն արդեն մի քանի օր է, ինչ մարզվում են ընդհանուր խմբում: Նրանց վերադարձը խաղադաշտ սպասվում է «Նորվիչի» դեմ խաղում»,- գերմանացի մասնագետի խոսքը փոխանցում է «Լիվերպուլի» մամուլի ծառայությունը:
Սենեգալցի հարձակվողը վնասվածք էր ստացել Պրեմյեր լիգայի 24-րդ տուրի «Վուլվերհեմփթոնի» դեմ խաղում:
Պրեմյեր լիգայի ընթացիկ առաջնությունում Մանեն մասնակցել է 22 հանդիպման՝ դառնալով 11 գոլի ու 8 գոլային փոխանցման հեղինակ, իսկ Ջեյմս Միլները 16 խաղում խփել է 2 գոլ, կատարել 2 գոլային փոխանցում:
Պրեմյեր լիգայի 26-րդ տուրի «Նորվիչ» - «Լիվերպուլ» հանդիպումը տեղի կունենա փետրվարի 15-ին՝ Երևանի ժամանակով 21:30-ին:
Հետևեք NEWS.am SPORT-ին Facebook-ում, Twitter և Telegram-ում