Իտալական «Միլանի» դարպասապահ Ջանլուիջի Դոնարումայի գործակալ Մինո Ռայոլան հայտարարել է, որ իր հաճախորդը 2017 թվականին մեծ սխալ է թույլ տվել՝ «Միլան» տեղափոխվելով:
«Դոնարուման իր սրտի ցանկությամբ տեղափոխվեց «Միլան»: Այդպիսի որոշումների համար չեն փոշմանում, սակայն դա սխալ քայլ էր նրա կողմից:
Այժմ Դոնարուման պետք է հրաժարվի նոր պայմանագիր կնքել «Միլանի» հետ և մտածի ակումբային գրանցումը փոխելու մասին:
Դոնարուման երիտասարդ և շատ խոստումնալից դարպասապահ է: Նա պետք է խաղա աշխարհի լավագույն ակումբներում»,- Ռայոլայի խոսքը փոխանցում է Football Italia-ն:
20-ամյա Դոնարուման Իտալիայի ընթացիկ առաջնությունում մասնակցել է 22 հանդիպման:
Իտալացի դարպասապահի պայմանագիրը «Միլանի» հետ նախատեսված է մինչև 2021 թվականի հունիս:
Հետևեք NEWS.am SPORT-ին Facebook-ում, Twitter և Telegram-ում