Մինո Ռայոլա․ Պոլ Պոգբան ուրախ կլիներ դարձյալ խաղալ «Յուվենտուսում»

Անգլիական «Մանչեսթեր Յունայթեդի» եւ աշխարհի չեմպիոն Ֆրանսիայի հավաքականի կիսապաշտպան Պոլ Պոգբայի գործակալ Մինո Ռայոլան հաստատել է, որ ֆուտբոլիստը ցանկանում է վերադառնալ Թուրինի «Յուվենտուս»։

«Պոլի համար Իտալիան տուն է։ Նա ուրախ կլիներ դարձյալ խաղալ «Յուվենտուսում»։ Բայց տեսնենք՝ ինչ կլինի Եվրո-2020-ից հետո։

Պոգբան ցանկանում է խաղալ ամենաբարձր մակարդակի վրա։ Սակայն նա չի կարող հիմա լքել «Մանչեսթեր Յունայթեդը», քանի որ նրանք ծանր դրությունում են»,- Ռայոլայի խոսքը մեջբերում է gazetta.it-ը։

Ընթացիկ մրցաշրջանի մեծ մասը Պոգբան բաց է թողել տարբեր վնասվածքների պատճառով։ Նա բոլոր մրցաշարերում անցկացրել է 8 հանդիպում, կատարել 2 գոլային փոխանցում։

Հետևեք NEWS.am SPORT-ին Facebook-ում, Twitter և Telegram-ում