Իտալիայի մայրաքաղաք Հռոմում փետրվարի 14-ին մեկնարկում է ազատ ոճի ըմբշամարտի Եվրոպայի առաջնությունը: Հաբեթնակ Կուրղինյանի գլխավորած Հայաստանի հավաքականը առաջնությանը մասնակցում է ամբողջական կազմով՝ 10 ըմբիշով:
Առաջին մրցումային օրը Հայաստանը ներկայացուցիչներ կունենա 5 քաշային կարգերում՝ 57, 65, 70, 79 եւ 97 կգ:
57 կգ քաշային կարգում Հայաստանի ներկակացուցիչ Միհրան Ջաբուրյանը պայքարը կսկսի 1/8 եզրափակիչից, որտեղ կհանդիպի Բելառուսի ներկայացուցիչ Դիմչիկ Ռինչինաուի հետ:
Վալոդյա Ֆրանգուլյանը (65 կգ) որակավորման փուլում կմրցի Սլովակիայի ներկայացուցիչ Դավիդ Հաբատի հետ:
70 կգ քաշային Գեւորգ Մխեյանը կմեկնարկի որակավորման փուլից: Մրցակիցը Ադրբեջանի ներկայացուցիչ Աղահուսեյն Մուստաֆաեւն է։
79 կգ քաշային կարգում Հայաստանի ներկայացուցիչ Արման Ավագյանը 1/8 եզրափակիչում կգոտեմարտի Մոլդովան ներկայացնող Գեորգի Պասկալովի հետ:
97 կգ քաշային Սարգիս Հովսեփյանը պայքարը կսկսի 1/8 եզրափակիչից, որտեղ կմրցի Վրաստանի ներկայացուցիչ Էլիզբար Օդիկաձեի հետ։
Եվրոպայի գործող չեմպիոն Արսեն Հարությունյանը պայքարի մեջ կմտնի փետրվարի 15-ին:
Հետևեք NEWS.am SPORT-ին Facebook-ում, Twitter և Telegram-ում