«Զվարթնոց» օդանավակայանում հունահռոմեական ըմբշամարտի Եվրոպայի առաջնության մեդալակիրների եւ թիմի ժամանումից հետո Հայաստանի հավաքականի գլխավոր մարզիչ Էդուարդ Սահակյանն ամփոփեց Իտալիայի մայրաքաղաք Հռոմում փետրվարի 10-12-ը տեղի ունեցած մրցաշարը:
«Արդյունքները գոհացնող են: Թիմը շատ լավ հանդես եկավ: Երկու ոսկե մեդալ շատ լավ արդյունք է: Այս առաջնությունում բոլորիս շատ ուրախացրեց Արթուր Ալեքսանյանն իր 5-րդ ոսկե մեդալով: Այս հաղթանակը հետ բերեց Արթուրի հավատը վնասվածքից հետո: Կար մտավախություն, որ վնասվածքը կկրկնվի:
Արթուրին մենք տեսանք իր լավագույն ոճի մեջ, բարձր մակարդակով մասնակցեց, բոլոր մրցակիցներին հաղթեց մեկ շնչով: Նա նորից ձեռք բերեց իր վստահությունը, որը միշտ ունեցել է:
Թիմն ընդհանուր լավ մտավ պայքարի մեջ: Ուժեղ մրցակցություն էր, մասնակից երկրներից բոլորն էլ իրենց ուժերն էին փորձում Օլիմպիական խաղերից առաջ: Թիմում ունեինք թերի կողմ նախկինում. երկրորդ 3 րոպեն միշտ դժվար էր ստացվում: Այժմ այդ խնդիրը հաղթահարել ենք: Ըմբիշները հաղթահարեցին այդ խնդիրը եւս: Բոլորն էլ բարձր մակարդակով անցկացրին իրենց գոտեմարտերը: Տղաներն զգացին, որ իրենք ուժեղ են: Շատ երկրներ կերազեին այս մեդալներով վերադառնալ հայրենիք»,- ասաց Էդուարդ Սահակյանը:
Հիշեցնենք, որ Էդուարդ Սահակյանի գլխավորած թիմը Եվրոպայի առաջնությունում նվաճեց 4 մեդալ՝ երկու ոսկի, երկու բրոնզ: Ոսկե մեդալներ նվաճեցին 97 կգ քաշային կարգում օլիմպիական չեմպիոն Արթուր Ալեքսանյանն ու 60 կգ քաշային Գեւորգ Ղարիբյանը: Բրոնզե մեդալակիրներ դարձան 77 կգ քաշային Կարապետ Չալյանն ու Կարեն Ասլանյանը:
Լուսինե Շահբազյան
Ֆոտո՝ Արսեն Սարգսյան
Հետևեք NEWS.am SPORT-ին Facebook-ում, Twitter և Telegram-ում
17:31 , 24 ապրիլի 
16:25 , 24 ապրիլի 
15:16 , 24 ապրիլի 
14:08 , 24 ապրիլի 
13:10 , 24 ապրիլի 
12:03 , 24 ապրիլի 
11:07 , 24 ապրիլի 
10:24 , 24 ապրիլի 
09:05 , 24 ապրիլի 
01:39 , 24 ապրիլի 
