Ֆուտբոլի Հայաստանի Բարձրագույն խումբը ներկայացնող «Ուրարտուն» Կիպրոսում շարունակվող ուսումնամարզական հավաքի ընթացքում ընկերական հանդիպում անցկացրեց Լիտվան ներկայացնող «Սուդուվայի» հետ:
Լիտվայի առաջնության նախորդ մրցաշրջանի 33 խաղերից 29-ում հաղթանակ տարած «Սուդուվան» նվազագույն՝ 1:0 հաշվով հաղթանակ տարավ «Ուրարտուի» նկատմամբ: Լիտվական թիմի հաղթական գոլը 42-րդ րոպեին խփեց Թոմաս Սոլոմոնը:
Նշենք, որ Հայաստանի ընթացիկ առաջնության առաջին խաղային շրջանից հետո «Ուրարտուն» 17 միավորով 8-րդ տեղում է: Առաջատարը «Լոռին» է՝ 28 միավորով:
«Ուրարտու» - «Սուդուվա»՝ 0:1
Թոմաս Սոլոմոն, 42
Հետևեք NEWS.am SPORT-ին Facebook-ում, Twitter և Telegram-ում