Կատալոնական «Բարսելոնայի» և Ֆրանսիայի ազգային հավաքականի հարձակվող Ուսման Դեմբելեն փետրվարի 11-ին վիրահատության է ենթարկվել Ֆինլանդիայում, տեղեկացնում է ակումբի մամուլի ծառայությունը:
Ուսման Դեմբելեն ընթացիկ մրցաշրջանում այլևս խաղադաշտ դուրս չի գա: Ֆրանսիացի հարձակվողը մարզումները կվերսկսի հունիսի վերջին:
Ուսման Դեմբելեն շուրջ 1 ամիս բուժման կուրս էր անցել Քաթարի մայրաքաղաք Դոհայում: 22-ամյա հարձակվողը հունվարի կեսերին էր միացել թիմին:
Հիշեցնենք, որ ընթացիկ մրցաշրջանում Դեմբելեն 4 վնասվածք է ստացել և «Բարսելոնայի» կազմում մասնակցել է միայն 9 հանդիպման՝ դառնալով 1 գոլի հեղինակ:
Հետևեք NEWS.am SPORT-ին Facebook-ում, Twitter և Telegram-ում