11:13  ,  30 հունվարի, 2020

AusOpen. Աշխարհի առաջին ռակետը դուրս մնաց պայքարից

Թենիսի Ավստրալիայի բաց առաջնության կանանց մենախաղի կիսաեզրափակիչում աշխարհի առաջին ռակետ, ավստրալացի Էշլի Բարթին մրցեց 15-րդ ռակետ, ամերիկացի Սոֆյա Քենինի հետ եւ պարտություն կրեց 6։7 (6։8), 5։7 հաշվով։

Նախքան այս 21-ամյա Քենինի լավագույն արդյունքը «Մեծ սաղավարտի» մրցաշարերում եղել էր Ֆրանսիայի բաց առաջնության չորրորդ շրջանը։

Քենինի մրցակիցը եզրափակիչում կլինի իսպանացի Գարբինյե Մուգուրուսայի եւ ռումինացի Սիմոնա Հալեպի դիմակայության հաղթողը։

Հետևեք NEWS.am SPORT-ին Facebook-ում, Twitter և Telegram-ում


  • Լրահոս