"Manchester United Football Club have tonight been made aware of the incident outside the home of one of our employees... Fans expressing opinion is one thing, criminal damage and intent to endanger life is another. There is simply no excuse for this."pic.twitter.com/bexuq6cfhu
— Goal (@goal) January 28, 2020
«Մանչեսթեր Յունայթեդի» ֆանատների խմբավորումներից մեկը հունվարի 29-ի գիշերը հարձակվել է ակումբի փոխնախագահ եւ գործադիր տնօրեն Էդ Վուդվորդի տան վրա՝ նետելով ծխագլաններ եւ ֆայերներ, հաղորդում է Sky Sports-ը։ Ինտերնետում հրապարակած տեսանյութը ուղեկցվել է «Վուդվորդը պետք է մահանա» գրառումով։
Ակումբում հաստատել են տեղի ունեցածը, ոստիկանությունը սկսել է հետաքննություն։
«Մեղավորները ցմահ կզրկվեն ակումբի մաս լինելու հնարավորությունից եւ կարող են ենթարկվել դատական հետապնդման։ Ֆանատները կարող են ունենալ իրենց կարծիքը, սակայն քրեական հանցագործությունը դրա հետ կապ չունի։ Այս արարքը չունի որեւէ արդարացում»,- նշվում է ակումբի հայտարարությունում։
Անգլիայի գավաթի խաղարկության 1/16 եզրափակիչի հանդիպման ժամանակ «Մանչեսթեր Յունայթեդի» ֆանատները նույնպես սպառնալիքներ էին հնչեցրել Վուդվորդի հասցեին։ Այդ խաղում նորվեգացի Ուլե-Գունար Սուլշերի գլխավորած թիմը 6։0 հաշվով հաղթել էր «Տրանմիրին»։
Հետևեք NEWS.am SPORT-ին Facebook-ում, Twitter և Telegram-ում