Ֆուտբոլի Հայաստանի ազգային հավաքականի հարձակվող Սարգիս Ադամյանը հավակնում է «Հոֆենհայմի» հունվար ամսվա լավագույն ֆուտբոլիստի կոչմանը, տեղեկացնում է ակումբի մամուլի ծառայությունը:
Հունվարի լավագույն ֆուտբոլիստի կոչմանը հավակնում են նաև ավստրիացի կիսապաշտպան Քրիստոֆ Բաումգարտները և գերմանացի պաշտպան Բենյամին Հյուբները:
Լավագույն ֆուտբոլիստին «Հոֆենհայմի» պաշտոնական կայքում անցկացվող քվեարկության արդյունքում կորոշեն երկրպագուները: Այժմ ստացած ձայների թվով առաջատարը Սարգիս Ադամյանն է (52 տոկոս): Քրիստոֆ Բաումգարտները ստացել է ընդհանուր ձայների 41 տոկոսը, իսկ Բենյամին Հյուբները՝ 7 տոկոսը:
Հունվարին Սարգիս Ադամյանը «Հոֆենհայմի» կազմում 2 խաղում դարձել է 1 գոլի հեղինակ:
Հետևեք NEWS.am SPORT-ին Facebook-ում, Twitter և Telegram-ում