13:09  ,  24 հունվարի, 2020

ԵԱ․ Արթուր Դանիելյանը՝ փոխչեմպիոն

Ավստրիայի Գրաց քաղաքում անցկացվող գեղասահքի Եվրոպայի առաջնության տղամարդկանց մենասահքում Ռուսաստանը ներկայացնող 16-ամյա Արթուր Դանիելյանը նվաճել է փոխչեմպիոնի կոչումն՝ առաջին անգամ մասնակցելով մեծահասակների առաջնության։

Չեմպիոն է դարձել ռուսաստանցի Դմիտրի Ալիեւը։ 2012-ին Եվգենի Պլյուշչենկոյի նվաճած տիտղոսից հետո Ռուսաստանն առաջին անգամ է Եվրոպայի առաջնության ոսկե մեդալ նվաճում տղամարդկանց մենասահքում։ Երրորդ տեղը գրավել է Վրաստանի ներկայացուցիչ Մորիս Կվիտելաշվիլին։

Հայաստանի ներկայացուցիչ Սլավիկ Հայրապետյանը գրավել է 18-րդ տեղը։

 

Հետևեք NEWS.am SPORT-ին Facebook-ում, Twitter և Telegram-ում