20:14  ,  22 հունվարի, 2020

Կոուտինյոն կվերադառնա «Բարսելոնա»

Մյունխենի «Բավարիայի» և Բրազիլիայի ազգային հավաքականի կիսապաշտպան Ֆիլիպե Կոուտինյոն ընթացիկ մրցաշրջանի ավարտից հետո կվերադառնա կատալոնական «Բարսելոնա», տեղեկացնում է Bild-ը:

«Բավարիայի» ղեկավարությունը դժգոհ է 27-ամյա կիսապաշտպանի մրցելույթներից և չի պատրաստվում պայմանագրով սահմանված 120 միլիոն եվրոյով ձեռք բերել Կոուտինյոյի տրանսֆերային իրավունքը:

Հիշեցնենք, որ Կոուտինյոն վարձակալությամբ «Բավարիա» է տեղափոխվել 2019 թվականի ամռանը:

Ընթացիկ մրցաշրջանում բրազիլացի կիսապաշտպանը «Բավարիայի» կազմում մասնակցել է 23 հանդիպման՝ դառնալով 7 գոլի և 5 գոլային փոխանցման հեղինակ:

Ավելի վաղ հայտնի էր դարձել, որ Ֆիլիպե Կոուտինյոյին ցանկանում է «Բարսելոնա» վերադարձնել Իսպանիայի չեմպիոնի նորանշանակ գլխավոր մարզիչ Կիկե Սետիենը:

Հետևեք NEWS.am SPORT-ին Facebook-ում, Twitter և Telegram-ում