Ֆրանսիայի չեմպիոն ՊՍԺ-ի և Ֆրանսիայի ազգային հավաքականի պաշտպան Լևեն Կուրզավան ամառային տրանսֆերային պատուհանի ընթացքում, ամենայն հավանականությամբ, պայմանագիր կկնքի Լոնդոնի «Արսենալի» հետ:
France Football-ի հաղորդմամբ՝ «Արսենալը» 27-ամյա պաշտպանի հետ համաձայնության է հասել 5 տարվա պայմանագրի շուրջ: Լոնդոնյան ակումբը նախնական համաձայնության է եկել նաև ՊՍԺ-ի ղեկավարության հետ:
Ավելի վաղ հայտնի էր դարձել, որ Կուրզավան հրաժարվել է տեղափոխվել Միլանի «Ինտեր»:
Ընթացիկ մրցաշրջանում ֆրանսիացի պաշտպանը ՊՍԺ-ի կազմում մասնակցել է 14 հանդիպման:
Հետևեք NEWS.am SPORT-ին Facebook-ում, Twitter և Telegram-ում