Խառը մենամարտերի 2 քաշային կարգում նախկին չեմպիոն, իռլանդացի Քոնոր Մաքգրեգորի հետ մենամարտին նախորդած մամուլի ասուլիսի ընթացքում ամերիկացի մարզիկ Դոնալդ Սերոնեն հայտարարել է, որ օկտագոն է դուրս գալու միայն հաղթանակի համար:
«Հուսով եմ՝ Մաքգրեգորը պատրաստ է: Ես անհամբերությամբ սպասում եմ այս մենամարտին և բացի հաղթանակից, այլ արդյունքի մասին չեմ մտածում:
Եթե հաղթեմ, ապա ընտանիքիս հետ երկար ժամանակով արձակուրդի մեջ կլինեմ: Այս մենամարտն ամենաեկամտաբերը կլինի իմ կարիերայում»,- Սերոնեի խոսքը փոխանցում է EssentialySports-ը:
Քոնոր Մաքգրեգորի և «կովբոյ» մականվամբ Դոնալդ Սերոնեի մենամարտը տեղի կունենա հունվարի 19-ին Երևանի ժամանակով 07:00-ին:
Հետևեք NEWS.am SPORT-ին Facebook-ում, Twitter և Telegram-ում