21:14  +04,  14 հունվարի, 2020

Ագուերոն ինքը կորոշի՝ երբ հեռանա «Մանչեսթեր Սիթիից»

Անգլիայի չեմպիոն «Մանչեսթեր Սիթիի» ղեկավարությունը կթույլատրի թիմի արգենտինացի հարձակվող Սերխիո Ագուերոյին ցանկացած պահի խզել պայմանագիրը մանչեսթերյան ակումբի հետ:

Dailymail-ի հաղորդմամբ՝ «Մանչեսթեր Սիթիի» ղեկավարությունը բարձր է գնահատում Ագուերոյի դերը ակումբում և չի պատրաստվում ճնշում գործադրել 31-ամյա հարձակվողի վրա, որպեսզի նա հեռանա թիմից:

Ավելի վաղ հայտնի էր դարձել, որ Սերխիո Ագուերոն մտադիր է «Մանչեսթեր Սիթիից» հեռանալուց հետո վերադառնալ արգենտինական «Ինդեպենդենտե», որտեղ Ագուերոն առաջին քայլերն է կատարել ֆուտբոլում:

Սերխիո Ագուերոյի պայմանագիրը «Մանչեսթեր Սիթիի» հետ նախատեսված է մինչև 2021 թվականի հունիս:

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

  • Հարցում
Քվեարկել են (13)
  • Ֆեյսբուք
  • NEWS.am Sport Exclusive
  • Արխիվ