16:42  +04,  14 հունվարի, 2020

«Ռոմայի» կիսապաշտպանը վիրահատվեց եւ բաց կթողնի կես տարի

«Ռոմայի» եւ Իտալիայի հավաքականի 20-ամյա կիսապաշտպան Նիկոլո Ձանյոլոն վիրահատվել է Հռոմում։ Աջ ծնկահոդի արտաքին մենիսկի վիրահատությունը հաջող է անցել, եւ ֆուտբոլիստն արդեն վաղը կսկսի վերականգնողական փուլը, հաղորդում է իտալական ակումբի մամուլի ծառայությունը։

Սպասվում է, որ Ձանյոլով բաց կթողնի մոտ կես տարի։ Նա վնասվածքը ստացել էր «Յուվենտուսի» դեմ Իտալիայի առաջնության 19-րդ տուրի տնային խաղում եւ փոխարինվել առաջին խաղակեսում։ «Ռոման» պարտվել էր 1։2 հաշվով։

Ընթացիկ մրցաշրջանում իտալացի խաղացողը «Ռոմայի» հետ մասնակցել է 24 հանդիպման, խփել 6 գոլ, կատարել 2 գոլային փոխանցում։

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից: