22:41  ,  12 հունվարի, 2020

«Մանչեսթեր Սիթին» հաղթեց 6։1 հաշվով եւ բարձրացավ երկրորդ տեղ

Անգլիայի առաջնության 22-րդ տուրում չեմպիոն «Մանչեսթեր Սիթին» հյուրընկալվեց «Աստոն Վիլային»։ Կատալոնացի Խոսեպ Գվարդիոլայի գլխավորած թիմն առավելության հասավ 6։1 հաշվով։ Հեթ-տրիկի հեղինակ դարձավ արգենտինացի հարձակվող Սերխիո Ագուերոն, դուբլ ձեւակերպեց ալժիրցի հարձակվող Ռիյադ Մահրեզը, աչքի ընկավ նաեւ բրազիլացի հարձակվող Գաբրիել Ժեզուսը։

Ագուերոն 12-րդ անգամ հեթ-տրիկ արեց Պրեմյեր լիգայում՝ սահմանելով ռեկորդ։

«Մանչեսթեր Սիթին» 47 միավորով բարձրացավ երկրորդ տեղ՝ 2 միավորով առաջ անցնելով «Լեսթեր Սիթիից»։ Առաջատար «Լիվերպուլը» 21 խաղում վաստակել է 61 միավոր։

Անգլիայի առաջնություն, 22-րդ տուր

«Աստոն Վիլա» - «Մանչեսթեր Սիթի»՝ 1։6 (տեսանյութ)

Անվար Էլ Գազի, 90+1, 11մ – Ռիյադ Մահրեզ, 18, 24, Սերխիո Ագուերո, 28, 57, 81, Գաբրիել Ժեզուս, 45+1

Հետևեք NEWS.am SPORT-ին Facebook-ում, Twitter և Telegram-ում