01:52  +04,  5 հունվարի, 2020

«Բարսելոնան» միավորներ կորցրեց հետնապահի դեմ խաղում (տեսանյութ)

Իսպանիայի առաջնության 19-րդ տուրի կենտրոնական խաղում տեղի ունեցավ կատալոնական դերբի՝ չեմպիոն «Բարսելոնան» հյուրընկալվեց «Էսպանյոլին»: Հանդիպումն ավարտվեց ոչ ոքի՝ 2:2 հաշվով:

Հանդիպման հաշիվը 23-րդ րոպեին բացեց «Էսպանյոլի» իսպանացի պաշտպան Դավիդ Լոպեսը: 50-րդ րոպեին «Բարսելոնայի» ուրուգվայցի հարձակվող Լուիս Սուարեսը խփեց պատասխան գոլն, իսկ 59-րդ րոպեին «Բարսելոնային» առաջ մղեց չիլիացի կիսապաշտպան Արտուրո Վիդալը: «Էսպանյոլի» չինացի հարձակվող Ու Լեյը խաղի 88-րդ րոպեին խփեց իր թիմի երկրորդ գոլն ու 1 միավոր պարգևեց «Էսպանյոլին»:

Հանդիպման 75-րդ րոպեին երկրորդ դեղին քարտը ստանալու պատճառով խաղադաշտից հեռացվեց «Բարսելոնայի» կիսապաշտպան Ֆրենկի դե Յոնգը:

«Բարսելոնան» Լա Լիգայի 19-րդ տուրից հետո ունի 40 միավոր և գլխավորում է մրցաշարային աղյուսակը: «Էսպանյոլը» վերջին տեղում է՝ 11 միավորով:

Իսպանիայի առաջնություն, 19-րդ տուր

«Էսպանյոլ» - «Բարսելոնա»՝ 2:2

Դավիդ Լոպես, 23, Ու Լեյ, 88 - Լուիս Սուարես, 50, Արտուրո Վիդալ, 59

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

  • Այս թեմայով

  • Հարցում
Քվեարկել են (13)
  • Ֆեյսբուք
  • NEWS.am Sport Exclusive
  • Արխիվ