Ֆուտբոլի Հայաստանի չեմպիոն «Արարատ-Արմենիան» հայտարարեց Հայաստանի հավաքականում կարիերան ավարտած կիսապաշտպան Մարկոս Պիզելիին ձեռք բերելու մասին։
«Եվ այսպես, 2019 թվականի վերջին, կարևոր ձեռքբերումը՝ կամ, ամանորյա նվերը մեր երկրպագուներին:
Դուք արդեն գիտեք նրան և ծանոթ եք կարիերային. ամենահայ բրազիլացի Մարկոս Պիզելլին պաշտոնապես «Արարատ-Արմենիայի» ֆուտբոլիստ»,- գրում է երեւանյան ակումբի մամուլի ծառայությունը։
NEWS.am Sport-ը դեկտեմբերի 5-ին հայտնել էր, որ Մարկոս Պիզելին պայմանագիր է կնքել «Արարատ-Արմենիայի» հետ։
Մարկոս Պիզելին նոյեմբերին հեռացել է Ղազախստանի Պրեմյեր լիգայից դուրս մնացած «Ակտոբեից»:
Հայաստանի ազգային հավաքականի կազմում 35-ամյա կիսապաշտպանը մասնակցել է 68 հանդիպման՝ դառնալով 11 գոլի հեղինակ:
Մարկոս Պիզելին հանդես է եկել նաև Երևանի «Արարատում», «Փյունիկում», Դոնեցկի «Մետալուրգում», Կրասնոդարի «Կուբանում» և «Կրասնոդարում», Սաուդյան Արաբիայի առաջնությունը ներկայացնող «Ալ-Ռայեդում», ԱՄԷ-ի առաջնությունը ներկայացնող «Ալ-Շաբաբում», «Ալ-Ֆուջարիայում», նաև հունական «Քսանտիում»:
Հետևեք NEWS.am SPORT-ին Facebook-ում, Twitter և Telegram-ում