«Մանչեսթեր Սիթին» ուժեղ էր «Շեֆիլդ Յունայթեդից» (տեսանյութ)

Անգլիայի առաջնության 20-րդ տուրում չեմպիոն «Մանչեսթեր Սիթին» տանը մրցեց «Շեֆիլդ Յունայթեդի» հետ։ Կատալոնացի Խոսեպ Գվարդիոլայի գլխավորած թիմը հաղթանակ տարավ 2։0 հաշվով։

29-րդ րոպեին հյուրերի ֆրանսիացի հարձակվող Լի Մուսեն գրավեց «Մանչեսթեր Սիթիի» դարպասը, սակայն VAR-ը ցույց տվեց խաղից դուրս վիճակ եւ գոլը չգրանցվեց։

52-րդ րոպեին «Մանչեսթեր Սիթիի» արգենտինացի հարձակվող Սերխիո Ագուերոն բելգիացի կիսապաշտպան Կեւին Դե Բրույնեի փոխանցումից հետո գրավեց մրցակցի դարպասը։

Դե Բրույնեն հաշիվը կրկնապատկեց վերջնամասում։ Գոլային փոխանցումը կատարեց ալժիրցի հարձակվող Ռիյադ Մահրեզը։

«Մանչեսթեր Սիթին» 41 միավորով երրորդ տեղում է եւ 1 միավոր է հետ երկրորդ տեղում ընթացող «Լեսթեր Սիթիից»։ «Շեֆիլդ Յունայթեդը» 8-րդն է՝ 29 միավոր։

Անգլիայի առաջնություն, 20-րդ տուր

«Մանչեսթեր Սիթի» - «Շեֆիլդ Յունայթեդ»՝ 2։0 (տեսանյութ)

Սերխիո Ագուերո, 52, Կեւին Դե Բրույնե, 82

Հետևեք NEWS.am SPORT-ին Facebook-ում, Twitter և Telegram-ում