18:28  ,  29 դեկտեմբերի, 2019

«Յուվենտուսն» ու «Ինտերը» ցանկանում են ձեռք բերել Օլիվյե Ժիրուին

Թուրինի «Յուվենտուսն» ու Միլանի «Ինտերը» ցանկանում են ձեռք բերել Լոնդոնի «Չելսիի» 33-ամյա հարձակվող Օլիվյե Ժիրուին, հաղորդում է Calciomercato-ն։ Աշխարհի չեմպիոն Ֆրանսիայի հավաքականի խաղացողը նախընտրելի է համարում «Ինտերի» տարբերակը՝ հույս ունենալով ավելի շատ խաղաժամանակ ստանալ Եվրո-2020-ից առաջ։

Նրա պայմանագիրը «Չելսիի» հետ ավարտվում է հաջորդ ամռանը։ Ժիրուի ծառայություններով հետաքրքրված են նաեւ շոտլանդական «Գլազգո Ռեյնջերսը», ֆրանսիական «Լիոնն» ու «Բորդոն», հյուսիսամերիկյան ՄԼՍ-ի մի քանի ակումբներ։

Ընթացիկ մրցաշրջանում Ժիրուն լոնդոնյան ակումբի կազմում մասնակցել է 7 հանդիպման՝ դառնալով 1 գոլի հեղինակ:

Հետևեք NEWS.am SPORT-ին Facebook-ում, Twitter և Telegram-ում