Կատալոնական «Բարսելոնայի» և Հոլանդիայի ազգային հավաքականի կիսապաշտպան Ֆրենկի դե Յոնգը խոսել է ընթացիկ մրցաշրջանում իր մրցելույթների մասին:
«Ինձ համար անակնկալ էր «Բարսելոնա» տեղափոխությունը, քանի որ ես չգիտեի, որ «Բարսելոնայի» պես ակումբը հետաքրքրված է իմ ծառայություններով:
Նախորդ մրցաշրջանում ես մեծ հաջողություններ գրանցեցի «Այաքսի» կազմում և վստահ էի, որ բարձր մակարդակի ֆուտբոլ կցուցադրեմ նաև «Բարսելոնայում»,- 22-ամյա կիսապաշտպանի խոսքը փոխանցում է De Telegraaf-ը:
Ընթացիկ մրցաշրջանում հոլանդացի կիսապաշտպանն Իսպանիայի չեմպիոնի կազմում մասնակցել է 24 հանդիպման՝ դառնալով 1 գոլի և 2 գոլային փոխանցման հեղինակ:
Հիշեցնենք, որ Ֆրենկի դե Յոնգը «Բարսելոնա» է տեղափոխվել ամառային տրանսֆերային պատուհանի ընթացքում:
Հետևեք NEWS.am SPORT-ին Facebook-ում, Twitter և Telegram-ում