Կատալոնական «Բարսելոնայի» և Չիլիի ազգային հավաքականի կիսապաշտպան Արտուրո Վիդալը մեկնաբանել է Միլանի «Ինտեր» տեղափոխության մասին լուրերը:
«Ես այժմ վայելում եմ արձակուրդս, իսկ իմ ապագայի վերաբերյալ հարցերով զբաղվում է գործակալս: Ամենակարևորը՝ հուսով եմ, որ կշարունակեմ հանդես գալ Եվրոպայում:
Եթե «Բարսելոնայում» որոշեն, որ ես առանցքային խաղացող եմ թիմի համար, ապա պատրաստ եմ մնալ ակումբում և ուժերիս առավելագույն չափով օգտակար լինել թիմին»,- 32-ամյա կիսապաշտպանի խոսքը փոխանցում է Mundo Deportivo-ն:
Իսպանիայի ընթացիկ առաջնությունում Վիդալը մասնակցել է 14 հանդիպման՝ դառնալով 5 գոլի հեղինակ:
Ավելի վաղ հայտնի էր դարձել, որ չիլիացի կիսապաշտպանի ծառայություններով հետաքրքրված է Միլանի «Ինտերը»:
Հետևեք NEWS.am SPORT-ին Facebook-ում, Twitter և Telegram-ում