Հենրիխ Մխիթարյանի վիճակագրությունն ու գնահատականը

Whoscored.com-ը ներկայացրել է «Ռոմայի» եւ Հայաստանի հավաքականի կիսապաշտպան Հենրիխ Մխիթարյանի վիճակագրությունը ՍՊԱԼ-ի դեմ Իտալիայի առաջնության 17-րդ տուրի խաղում։

Մխիթարյանը 3 հարված է կատարել դարպասին։ Դրանից մեկն ավարտվել է գոլով։ Հայ ֆուտբոլիստը կատարել է 10 փոխանցում 80 տոկոս ճշգրտությամբ։ 30-ամյա խաղացողը 1 անգամ շրջանցել է մրցակցին, 1 անգամ էլ խլել է գնդակը։ Մխիթարյանը կանոնները չի խախտել, նրա դեմ եւս խախտում չի գրանցվել։

Մխիթարյանը ստացել է 7․03 գնահատականը։ Հռոմեական թիմի կազմում ամենաբարձր գնահատականը ստացել է արգենտինացի կիսապաշտպան Դիեգո Պերոտին՝ 8․11։

Հիշեցնենք, որ «Ռոման» տարել է կամային հաղթանակ 3։1 հաշվով։ 79-րդ րոպեին փոխարինման դուրս եկած Մխիթարյանը 4 րոպե անց խփել է երրորդ գոլը։

Հետևեք NEWS.am SPORT-ին Facebook-ում, Twitter և Telegram-ում