Դորտմունդի «Բորուսիայի» գերմանացի հարձակվող Մարկո Ռոյսը մեկնաբանել է «Մայնցի» դեմ խաղում տեղի ունեցած դրվագը։ 15-րդ րոպեին «Մայնցի» խաղացող Իերի Յուստեն ձեռքով էր խաղացել սեփական տուգանային հրապարակում։ Հանդիպման գլխավոր մրցավարը դիմել էր VAR-ի օգնությանը, սակայն 11 մետրանոց չէր նշանակել։
«Այդ դրվագում պետք է լիներ 11 մետրանոց։ Մրցավարն ինձ ասաց, որ կար ձեռքով խաղ, սակայն 11 մետրանոց չեմ նշանակի։ Եթե ձեռքով խաղ է, ապա ձեռքով խաղ է եւ պետք է լինի համապատասխան որոշում։ Ինչի համար է այս կրկեսը»,- Ռոյսի խոսքը մեջբերում է Bild-ը։
Հիշեցնենք, որ «Բորուսիան» «Մայնցին» հաղթել է 4։0 հաշվով։ Բունդեսլիգայի 15 տուրից հետո դորտմունդյան թիմը 29 միավորով երրորդ տեղում է։
Հետևեք NEWS.am SPORT-ին Facebook-ում, Twitter և Telegram-ում