Իտալական «Նապոլիի» նախկին գլխավոր մարզիչ Կառլո Անչելոտին մտադիր է առաջիկայում անգլիական ակումբ գլխավորել, տեղեկացնում է The Sun-ը:
Աղբյուրի հաղորդմամբ՝ 60-ամյա մասնագետը պայմանագիր է կնքել Լոնդոնում գտնվող մարզական գործակալական ընկերության հետ, որը պետք է բանակցություններ վարի «Արսենալի» և «Էվերտոնի» ղեկավարության հետ:
Իտալացի մասնագետը նախկինում աշխատել է Անգլիայի առաջնությունում: Անչելոտին 2009-2011 թվականներին գլխավորել է Լոնդոնի «Չելսին»:
Հիշեցնենք, որ Կառլո Անչելոտին «Նապոլիի» գլխավոր մարզիչի պաշտոնից հեռացվել է դեկտեմբերի 11-ին:
Հետևեք NEWS.am SPORT-ին Facebook-ում, Twitter և Telegram-ում