Իտալական «Նապոլիի» նորանշանակ գլխավոր մարզիչ Ջենարո Գատուզոն խոսել է «Նապոլիի» նախկին գլխավոր մարզիչ Կառլո Անչելոտիի հետ ունեցած հարաբերությունների մասին:
«Անչելոտիին հոր պես եմ ընդունում: Նա միշտ իմ կողքին է եղել և օգնել է ինձ դժվար պահերին: Անչելոտին իր կարիերայում ամեն ինչ նվաճել է, իսկ ես դեռ շատ բաներ պետք է ապացուցեմ:
Այս մրցաշրջանում «Նապոլիի» գլխավոր խնդիրը Չեմպիոնների լիգայի ուղեգիր վաստակելն է: Ամեն ինչ կանեմ, որպեսզի մեծ հաջողությունների հասնեմ այս ակումբում»,- Գատուզոյի խոսքը փոխանցում է Sky Italia-ն:
Հիշեցնենք, որ «Նապոլին» Գատուզոյին ակումբի գլխավոր մարզիչի պաշտոնում նշանակելու մասին հայտարարել է դեկտեմբերի 12-ին:
Հետևեք NEWS.am SPORT-ին Facebook-ում, Twitter և Telegram-ում