Անգլիայի Պրեմյեր լիգայի 16-րդ տուրի կենտրոնական խաղում «Մանչեսթեր Սիթին» «Էյթիհադ» ստադիոնում հյուրընկալեց «Մանչեսթեր Յունայթեդին»: Մանչեսթերյան դերբիում ավելի ուժեղ գտնվեց նորվեգացի Ուլե-Գունար Սուլշերի գլխավորած թիմը, որը հաղթանակ տարավ 2:1 հաշվով:
23-րդ րոպեին խաղի հաշիվը 11 մետրանոցից բացեց «Մանչեսթեր Յունայթեդի» անգլիացի հարձակվող Մարկուս Ռաշֆորդը: 29-րդ րոպեին ֆրանսիացի հարձակվող Անտոնի Մարսիալի հարվածից հետո գնդակը դարպասաձողից անդրադարձով հայտնվեց Էդերսոնի պաշտպանած դարպասում:
«Մանչեսթեր Սիթիի» միակ գոլը 87-րդ րոպեին անկյունայինի խաղարկումից հետո գլխի հարվածով խփեց արգենտինացի պաշտպան Նիկոլաս Օտամենդին:
«Մանչեսթեր Սիթին» այժմ ունի 32 միավոր և Պրեմյեր լիգայի 16-րդ տուրից հետո առաջատար «Լիվերպուլից» հետ է մնում 14 միավորով: «Մանչեսթեր Յունայթեդը» 24 միավորով 5-րդ տեղում է:
Անգլիայի առաջնություն, 16-րդ տուր
«Մանչեսթեր Սիթի» - «Մանչեսթեր Յունայթեդ»՝ 1:2
Նիկոլաս Օտամենդի, 87 - Մարկուս Ռաշֆորդ, 23 (11մ.), Անտոնի Մարսիալ, 29
Հետևեք NEWS.am SPORT-ին Facebook-ում, Twitter և Telegram-ում