Անգլիական «Մանչեսթեր Յունայթեդի» գլխավոր մարզիչ Ուլե-Գունար Սուլշերը Պրեմյեր լիգայի 16-րդ տուրի՝ «Մանչեսթեր Սիթիի» դեմ խաղին նախորդած մամուլի ասուլիսի ժամանակ հայտարարել է, որ իր գլխավորած թիմը նպատակ ունի 3 միավոր վաստակել այդ խաղում:
«Իհարկե, մանչեսթերյան դերբին միշտ էլ յուրահատուկ զգացողություններ է առաջացնում, սակայն այս հանդիպումը մեզ համար հերթականն է, որում մենք ցանկանում ենք 3 միավոր վաստակել:
«Մանչեսթեր Յունայթեդը» լավ մարզավիճակում է գտնվում, և ես վստահ եմ, որ թիմը հնարավոր ամեն ինչ կանի հաղթանակի հասնելու համար»,- Սուլշերի խոսքը մեջբերում է Daily Mail-ը:
«Մանչեսթեր Սիթի» - «Մանչեսթեր Յունայթեդ» հանդիպումը տեղի կունենա դեկտեմբերի 7-ին՝ Երևանի ժամանակով 21:30-ին:
Հետևեք NEWS.am SPORT-ին Facebook-ում, Twitter և Telegram-ում