Թուրինի «Յուվենտուսի» նախկին գլխավոր մարզիչ Մասիմիլիանո Ալեգրին հայտարարել է, որ ընթացիկ մրցաշրջանի ավարտից հետո կվերսկսի մարզչական աշխատանքը:
«Ինձ համար դժվար էր «Յուվենտուսից» հեռանալու որոշում ընդունելը, սակայն հիմա կարող եմ ասել, որ այդ որոշումը ճիշտ էր: Այս հանգիստն ինձ շատ էր հարկավոր:
Մարզչական աշխատանքի կվերադառնամ հունիսին: Դեռևս ապագա ակումբիս վերաբերյալ որոշում չեմ ընդունել»,- Ալեգրիի խոսքը փոխանցում է ESPN-ն:
Հիշեցնենք, որ Մասիմիլիանո Ալեգրին «Յուվենտուսի» գլխավոր մարզիչի պաշտոնը զբաղեցրել է 2014-2019 թվականներին:
Ալեգրիի ծառայություններով հետաքրքրված է անգլիական «Մանչեսթեր Յունայթեդը»:
Հետևեք NEWS.am SPORT-ին Facebook-ում, Twitter և Telegram-ում