09:12  ,  4 դեկտեմբերի, 2019

Էրիկ Վարդանյանը վիրահատվել է եւ բաց կթողնի առնվազն 3 ամիս

Ֆուտբոլի Հայաստանի հավաքականի եւ ռուսական «Սոչիի» 21-ամյա կիսապաշտպան Էրիկ Վարդանյանը վիրահատվել է եւ բաց կթողնի առնվազն երեք ամիս, վատագույն դեպքում՝ 6 ամիս։ Այդ մասին ռուսական Sport24-ին հայտնել է ֆուտբոլիստի գործակալ Դմիտրի Սելյուկը։

Էրիկ Վարդանյանը ծնկահոդի հետ կապված խնդիր ուներ։ Նա վնասվածք էր ստացել Եվրո-2020-ի ընտրական մրցաշարի նախավերջին տուրում՝ Հունաստանի դեմ խաղում (0։1)։ Նա բաց թողեց Իտալիայի դեմ վերջին ընտրական հանդիպումը (1։9)։

Էրիկ Վարդանյանը «Սոչի» է տեղափոխվել Երեւանի «Փյունիկից»։ Ռուսական ակումբում նա պետք է հանդես գար հունվարի 1-ից։

Հետևեք NEWS.am SPORT-ին Facebook-ում, Twitter և Telegram-ում


  • Այս թեմայով