15:26  ,  3 դեկտեմբերի, 2019

Հայաստանի Մ-17 եւ Մ-19 հավաքականների մրցակիցները Եվրոպայի առաջնությունների ընտրական փուլերում

Շվեյցարիայի Նիոն քաղաքում տեղի է ունեցել ֆուտբոլի Եվրոպայի մինչեւ 17 տարեկանների առաջնության որակավորման փուլի վիճակահանությունը։ Հայաստանի Մ-17 հավաքականն ընդգրկվել է 12-րդ խմբում: Մրցակիցներն են Սերբիայի, Դանիայի և Լատվիայի հավաքականները։ Հանդիպումները կանցկացվեն 2020 թվականի սեպտեմբերի 24-ից 30-ը Սերբիայում, հայտնում է ՀՖՖ մամուլի ծառայությունը։

Տեղի է ունեցել նաեւ Եվրոպայի մինչեւ 19 տարեկանների առաջնության որակավորման փուլի վիճակահանությունը։ Հայաստանի Մ-19 հավաքականն ընդգրկվել է 11-րդ խմբում, որտեղ կմրցի Նիդերլանդների, Սերբիայի և Սան Մարինոյի հավաքականների հետ։ Հանդիպումները կանցկացվեն հոկտեմբերի 7-ից 13-ը Նիդերլանդներում։

Հետևեք NEWS.am SPORT-ին Facebook-ում, Twitter և Telegram-ում


  • Այս թեմայով