23:51 , 27 նոյեմբերի, 2019

«Չելսին» ու «Վալենսիան» չորոշեցին հաղթողին, «Զենիթն» ուժեղ էր «Լիոնից» (տեսանյութ)

Չեմպիոնների լիգայի խմբային փուլի 5-րդ տուրում Լոնդոնի «Չելսին» արտագնա խաղում մրցեց իսպանական «Վալենսիայի» հետ: Հանդիպումն ավարտվեց ոչ ոքի՝ 2:2 հաշվով:

Խաղի հաշիվը 40-րդ րոպեին բացեց իսպանացի կիսապաշտպան Կարլոս Սոլերը: 41-րդ րոպեին «Չելսիի» խորվաթ կիսապաշտպան Մատեո Կովաշիչը խփեց պատասխան գոլը, իսկ 50-րդ րոպեին խորվաթ կիսապաշտպան Կրիստիան Պուլիշիչն առաջ մղեց լոնդոնյան թիմին: Հանդիպման վերջնամասում՝ 82-րդ րոպեին, «Վալենսիայի» դանիացի կիսապաշտպան Դանիել Վասը հավասարեցրեց հաշիվը՝ 1 միավոր վաստակելով իր թիմի համար:

Միաժամանակ ընթացող խաղում ռուսական «Զենիթը» տնային խաղում 2:0 հաշվով առավելության հասավ ֆրանսիական «Լիոնի» նկատմամբ:

Գոլերի հեղինակ դարձան ռուսաստանցի հարձակվող Արտյոմ Ձյուբան և Մագոմեդ Օզդոևը:

Չեմպիոնների լիգա, խմբային փուլ, 5-րդ տուր

H խումբ

«Վալենսիա» - «Չելսի»՝ 2:2 (տեսանյութ)

Կարլոս Սոլեր, 40, Դանիել Վաս, 82 - Մատեո Կովաշիչ, 41, Կրիստիան Պուլիշիչ, 50

G խումբ

«Զենիթ» - «Լիոն»՝ 2:0 (տեսանյութ)

Արտյոմ Ձյուբա, 42, Մագոմեդ Օզդոև, 84