Հանդիսականների քանակի ռեկորդ թենիսում (ֆոտո)

Մեքսիկայի մայրաքաղաք Մեխիկոյում անցկացվել է շվեյցարացի Ռոջեր Ֆեդերերի եւ Գերմանիայի ներկայացուցիչ Ալեքսանդր Զվերեւի ցուցադրական մրցախաղը։ 3:6, 6:4, 6:2 հաշվով կամային հաղթանակ է տարել «Մեծ սաղավարտի» մրցաշարերի 20-ակի հաղթող Ֆեդերերը։

Հանդիպմանը հետեւել է 42 հազար 517 հանդիսական, ինչը ռեկորդ է թենիսում, հաղորդում է Reuters-ը։ Մրցախաղը տեղի է ունեցել ցլամարտի համար նախատեսված արենայում։

Նախորդ ռեկորդը գրանցվել էր 2010-ին Բելգիայում։ Ամերիկացի Սերենա Ուիլյամսի եւ բելգիացի Քիմ Քլեյթերսի մրցախաղին հետեւել էր 35 հազար 681 մարզասեր։

Հետևեք NEWS.am SPORT-ին Facebook-ում, Twitter և Telegram-ում