Պորտուգալացի մարզիչ Ժոզե Մոուրինյոն առաջիկա ժամերին կարող է նշանակվել Լոնդոնի «Տոտենհեմի» գլխավոր մարզիչի պաշտոնում, տեղեկացնում է Sky Sports-ը:
Մաուրիսիո Պոչետինոյի հրաժարականից հետո «Տոտենհեմի» ղեկավարությունը բանակցություններ է սկսել Մոուրինյոյի հետ և մոտ է 56-ամյա մասնագետի հետ համաձայնության գալուն:
«Տոտենհեմի» ղեկավարությունն ակումբի գլխավոր մարզիչի պաշտոնում քննարկում է նաև «Նապոլիի» գլխավոր մարզիչ Կառլո Անչելոտիի թեկնածությունը:
Հիշեցնենք, որ Ժոզե Մոուրինյոն 2018 թվականի դեկտեմբերին հեռացվեց «Մանչեսթեր Յունայթեդի» գլխավոր մարզիչի պաշտոնից:
Հետևեք NEWS.am SPORT-ին Facebook-ում, Twitter և Telegram-ում